ASTARALI ENERGETİKLƏR PEŞƏ BAYRAMLARINI QEYD ETMİŞLƏR
“Bayva Cənub-enerji MMC” Astara paylayıcı elektrik şəbəkəsində keçirilən toplantıda idarənin rəisi İbiş Mehdiyev çıxış edərək bayram münasibətilə həmkarlarını təbrik etmiş, Prezident İlham Əliyevin Sərəncamı ilə ölkəmizdə hər il oktyabr ayının 20-sinin energetiklərin peşə bayramı kimi qeyd olunmasını onların əməyinə verilən böyük qiymət kimi dəyərləndirmişdir.
Bayram sevincini yaşayan energetiklər bu qayğıya görə ölkəmizin başçısına minnətdarlıqlarını bildirmiş, üzərlərinə düşən vəzifələri ləyaqətlə yerinə yetirmək, əhalini elektrik enerjisi ilə fasiləsiz təmin etmək üçün mövcud imkanlardan maksimum istifadə edəcəklərini bildirmişlər.
