ATƏT-İN TƏHLÜKƏSİZLİYİN İCMALINA DAİR İLLİK KONFRANSINDA GUAM DÖVLƏTLƏRİNİN BƏYANATI YAYILMIŞDIR
AZƏRTAC xəbər verir ki, ATƏT-in 2008-ci il Təhlükəsizliyin icmalına dair illik konfransının açılışında Demokratiya və İqtisadi İnkişaf Uğrunda Təşkilat - GUAM -a üzv dövlətlərin bəyanatı yayılmışdır.
Bəyanatda deyilir ki, GUAM-a üzv dövlətlərin münaqişələrin həlli məsələsində mövqeyi Azərbaycanın, Gürcüstanın və Moldovanın suverenliyinə və ərazi bütövlüyünə hörmət, beynəlxalq hüquq prinsipləri əsasında qurulmuşdur. GUAM bir daha vurğulayır ki, qaçqınlar və məcburi köçkünlər doğma ocaqlarına qayıtmalıdırlar, münaqişə ərazilərində yaşayan əhali BMT qətnamələri, ATƏT qərarlarından, beynəlxalq hüququn müvafiq norma və prinsiplərindən tam faydalanmalıdır.
Bəyanatda, həmçinin GUAM dövlətlərinin ərazilərindən xarici hərbi qüvvələrin tamamilə çıxarılmasının vacibliyi də vurğulanır.
Bölmənin digər xəbərləri
