“Avro-2024”: Azərbaycan və Estoniya yığmalarının start heyətləri açıqlanıb
Bakı, 17 iyun, AZƏRTAC
Futbol üzrə “Avro-2024”ün seçmə mərhələsi çərçivəsində üz-üzə gələcək Azərbaycan və Estoniya milli komandalarının start heyətləri açıqlanıb.
AZƏRTAC xəbər verir ki, "Dalğa Arena"da oynanılacaq görüşdə Azərbaycan millisinin start heyətində Şahrudin Məhəmmədəliyev, Bəhlul Mustafazadə, Bədavi Hüseynov, Höccət Haqverdi, Elvin Cəfərquliyev, Emin Mahmudov, Aleksey İsayev, Elvin Camalov, Renat Dadaşov, Mahir Emreli və Ramil Şeydayev yer alıblar.
Estoniya seçməsinin heyətində isə meydana Karl Yakob Heyn, Myarten Kuusk, Marko Lukka, Mattias Kyayt, Rasmus Peetson, Henri Anier, Konstantin Vassilyev, Rauno Sappinen, Martin Miller, Karol Mets və Vlasi Sinyavski çıxacaqlar.
Çexiyalı FIFA referisi Andrey Berkanın idarə edəcəyi oyun saat 20:00-da başlayacaq.
Azərbaycan millisi qrupda daha əvvəl keçirdiyi matçlarda Avstriyaya 1:4, İsveçə isə 0:5 hesabı ilə uduzub.
Qeyd edək ki, bu qrupun digər oyununda Belçika və Avstriya yığmaları üz-üzə gələcəklər.
Bölmənin digər xəbərləri
