Avropa çempionları Vətənə dönmüşlər
Bakı, 19 noyabr (AZƏRTAC). AZƏRTAC xəbər verir ki, şahmat üzrə Avropa çempionları Vətənə dönmüşlər.
Varşavada keçirilmiş Avropa çempionatında qızıl medal qazanmış Azərbaycan yığmasını Heydər Əliyev Beynəlxalq aeroportunda Azərbaycan Şahmat Federasiyasının rəsmi nümayəndələri, idmançıların qohumları, idman ictimaiyyətinin nümayəndələri, şəhər sakinləri gül-çiçək və musiqi ilə qarşılamışlar.
Yüzlərlə pərəstişkar qəhrəmanları - Şəhriyar Məmmədyarov, Teymur Rəcəbov, Eltac Səfərli, Qədir Hüseynov və Rauf Məmmədovu hərarətlə qarşılamışdır.
Xatırladırıq ki, Azərbaycan yığması Avropa çempionatında çempion titulunu ilk dəfə 2009-cu ildə qazanmışdır, 2011-ci ildə isə idmançılarımız ikinci yeri tutmuşlar.
Bölmənin digər xəbərləri
