AVROPA İTTİFAQI FƏLƏSTİNDƏ SEÇKİLƏRİN NƏTİCƏLƏRİNİ TANIYIR
Yanvarın 27-də o, Brüsseldə jurnalistlərə demişdir: “Biz (Aİ) seçkilərin nəticələrini tanıyırıqmı? Əlbəttə ki, tanıyırıq. Bu, demokratik proses idi. Odur ki, biz onun nəticələrinə hörmət etməliyik”.
O ki qaldı Avropa Komissiyasının yeni Fələstin hökuməti ilə əməkdaşlığına, Yudvinin sözlərinə görə, “Avropa İttifaqı tərəfdaş tapacaq və onunla işləmək mümkün olacaqdır”.
Avropa Komissiyasının nümayəndəsi demişdir: “Biz siyasi partiyalar arasında seçim etmirik. Bu, seçicilərin işidir. Lakin bizim təməl prinsiplərimiz var. Biz o kəslərlə işləyirik ki, onlar sülhü dinc vasitələrlə təmin etməyə çalışırlar”. Onun sözlərinə görə, Avropa İttifaqının yeni Fələstin hökuməti ilə əməkdaşlığı seçkilərdə qalib gələn “Həmas” hərəkatının öz yeni məsuliyyətini necə təmin etməsindən asılı olacaqdır.
Xanım Yudvin xatırlatmışdır ki, Avropa İttifaqı seçkilərin keçirilməsinin dəstəklənməsinə üst-üstə 18,5 milyon avro ayırmışdır. Ümumiyyətlə isə, keçən il Aİ Fələstin xalqına yardım üçün 280 milyon avro ayırmış və bunun 70 milyonu islahatların təmin edilməsi üçün nəzərdə tutulmuşdu.
Xəbər verildiyi kimi, Fələstin Milli Muxtariyyətinin Qanunverici Məclisinə seçkilərdə “Həmas” hərəkatı qələbə qazanaraq, parlamentdə 132 yerdən 76-na sahib olmuşdur. Beləliklə, o, hökuməti formalaşdırmaq hüququ almışdır.
Bölmənin digər xəbərləri
