AVROPA KOMİSSİYASI KOSOVONUN BƏRPASINA 1,2 MILYARD AVRO AYIRMAĞI QƏRARA ALMIŞDIR
AZƏRTAC-ın xüsusi müxbiri Frans Press agentliyinə istinadla xəbər verir ki, Avropa komissiyası Kosovoda bərpa işlərinin aparılmasına 1,2 milyard avro ayırmağı qərara almışdır. Bu qərar donor dövlətlərin Brüsseldə keçirilmiş yığıncağında səslənmişdir.
Kosovonun baş naziri Haşim Taci vəsaitin 2009-2011-ci illər dövründə ödəniləcəyini bəyan etmişdir.
Avropa İttifaqına üzv olan 27 ölkənin, ABŞ və digər beynəlxalq donor təşkilatlarının iştirakı ilə keçirilmiş tədbirdə Serbiyanın bu keçmiş əyalətinin yenidən qurulması məqsədilə Avropa Bankı 500 milyon, Almaniya 100, ABŞ 250 milyon avro ayırmışlar. Vəsaitin qalan hissəsini isə Avropa İttifaqının digər üzv dövlətləri ödəyəcəklər.
Bölmənin digər xəbərləri
