AVROPA ŞURASI M.SAAKAŞVİLİNİ VƏ A.ABAŞİDZENİ BARIŞMAĞA ÇAĞIRIR
V.Şvimmerin Avropa Şurasının Tbilisi ofisi tərəfindən yayılmış bəyanatında deyilir: “Avropa Birliyi öz üzvlərinin sayının 15-dən 25-dək artdığını bayram etdiyi bir vaxtda Avropa Şurasının üzvü olan ölkələrdən birində - Gürcüstanda baş verən hadisələr böyük narahatlıq doğurur. Körpülər partladılır, çünki mərkəzi və yerli hakimiyyətin nümayəndələri dialoq aparmaq bacarığını itirmişlər”.
Avropa Şurasının baş katibi bildirmişdir: “Mən hər iki tərəfi – Gürcüstan Prezidenti Mixail Saakaşvilini və Acarıstan rəhbəri Aslan Abaşidzeni hadisələrin bu cür təhlükəli gedişini dayandırmaq üçün bütün tədbirləri görməyə təkidlə çağırıram. Körpünü bərpa etmək olar, amma bir güllə ilə öldürülən insanın həyatını qaytarmaq mümkün deyildir. İndi körpüləri partlatmaq yox, tikmək vaxtıdır”.
Bölmənin digər xəbərləri
