AVSTRALİYA VƏ YENİ ZELANDİYADA YAŞAYAN SOYDAŞLARIMIZLA ƏLAQƏLƏR GÜCLƏNDİRİLİR
Dövlət Komitəsindən AZƏRTAC-a daxil olan məlumatda deyilir ki, səfər çərçivəsində Avstraliya Azərbaycan Assosiasiyasının sədri Mikayıl Oyta, eləcə də təşkilatın üzvləri, Türkiyənin Sidney şəhərindəki konsulu Nihat Erşenlə görüşlərdə bu ölkədə yaşayan soydaşlarımızın problemləri müzakirə olunmuş, Azərbaycan və Türkiyə həqiqətlərinin Avstraliyada yayılmasında səylərin birləşdirilməsinin vacibliyi vurğulanmışdır.
Azərbaycan, türk və türkmən diaspor təşkilatlarının birgə iclasında müştərək fəaliyyətin perspektivləri müzakirə olunmuşdur.
Kanberra şəhərində Beynəlmiləl Festival Komitəsinin sədri Dominik Miko ilə görüşdə isə gələn ilin fevralında burada keçiriləcək beynəlxalq festivalda Azərbaycan incəsənət ustalarının iştirakının təmin olunması, elə həmin vaxtda Avstraliyanın üç şəhərində Azərbaycan mədəniyyət günlərinin keçirilməsi qərara alınmışdır.
Yerli KİV-lər üçün mətbuat konfransında Azərbaycanın iqtisadi vəziyyəti, regiondakı mövqeyi, Dağlıq Qarabağ münaqişəsi və ermənilərin Azərbaycan torpaqlarının işğalı barədə məlumat verilmişdir.
Yeni Zelandiyada da bir sıra əhəmiyyətli görüşlər keçirilmişdir.
Bölmənin digər xəbərləri
