Avtomobil qəzası nəticəsində Xaçmaz şəhəri işıqsız qalıb
Xaçmaz, 4 yanvar, AZƏRTAC
Yanvarın 4-ü axşam saatlarında Xaçmaz şəhəri ərazisində yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, H.Z.Tağıyev küçəsində "Ford" markalı yük avtomobili işıqforda idarəetməni itirərək kommunikasiya dirəklərinə çırpılıb. Nəticə xəsarət alan olmasa da, Xaçmaz şəhərinin böyük bir hissəsi işıqsız və internetsiz qalıb.
Hazırda qəzanın nəticələrinin aradan qaldırılması istiqamətində müvafiq qurumlar tərəfindən iş aparılır.
Faktla bağlı araşdırmaya başlanılıb.
Bölmənin digər xəbərləri
