“Ayaks”ın qapıçısı “Qarabağ”la oyun barədə: Matçı səbirsizliklə gözləyirik
Bakı, 9 dekabr, AZƏRTAC
Matçı səbirsizliklə gözləyirik.
AZƏRTAC xəbər verir ki, bu sözləri Niderlandın “Ayaks” komandasının qapıçısı Vitejlav Yaroş UEFA Çempionlar Liqasının liqa mərhələsinin VI turunda Bakıda “Qarabağ”a qarşı keçirəcəkləri oyun barədə danışarkən deyib.
O, son oyunlarda inkişaf etdiklərini bildirib: “Qarabağ”ın görüşlərini izləmişik. Onlara qarşı yaxşı oyun sərgiləmək üçün əlimizdən gələni edəcəyik”.
Qeyd edək ki, dekabrın 10-da Tofiq Bəhramov adına Respublika Stadionunda təşkil olunacaq “Qarabağ”-“Ayaks” görüşü saat 21:45-də başlayacaq.
Bölmənin digər xəbərləri
