AZƏRBAYCAN BAYBURT ŞƏHƏRİNDƏ KEÇİRİLƏN ƏNƏNƏVİ “DƏDƏ QORQUD” FESTİVALINDA TƏMSİL OLUNUR

16.07.2008 [13:58]
Çap et
A⁺ A^-

AZƏRTAC Mədəniyyət və Turizm Nazirliyinə istinadla xəbər verir ki, iyulun 16-da Türkiyənin Bayburt şəhərində başlanmış ənənəvi “Dədə Qorqud” festivalında Azərbaycan da təmsil olunur.

Bayburtun Masad kəndində təşkil olunmuş festivalda dünyanın müxtəlif ölkələrindən yaradıcı kollektivlər iştirak edir. Bayburtluların böyük həvəslə gözlədikləri festivalda əvvəlki illərdə ölkəmizi Dövlət Rəqs Ansamblı, Dövlət Mahnı və Rəqs Ansamblı, “Göygöl” Mahnı və Rəqs Ansamblı, Naxçıvan Dövlət Filarmoniyasının Mahnı və Rəqs Ansamblı, başqa kollektivlər layiqincə təmsil etmişlər.

Bu il isə adıçəkilən festivalda Dövlət Musiqili Komediya Teatrının balet truppası, əməkdar artist Xanım Qafarova və gənc ifaçı Ramil Qasımov iştirak edirlər.

Festival iyulun 20-dək davam edəcəkdir.