AZƏRBAYCAN BOKSÇULARI “HEYDƏR ƏLİYEV KUBOKU”NA SAHİB OLMUŞLAR
Yarışlarda Azərbaycan, ABŞ, Rusiya, Hindistan, Qazaxıstan, Ukrayna, Gürcüstan, Almaniya, Türkiyə, İrlandiya və Özbəkistandan 150-yə yaxın boksçu 13 çəki dərəcəsi üzrə mükafatlar uğrunda mübarizə aparmışdır. Azərbaycan idmançıları Bəxtiyar Nadirov (46 kq), Sədi Əliyev (48 kq), İlkin Ağayev (50 kq), Şəhriyar Tağıyev (52 kq), Elnur Əliyev (54 kq), Hafiz İsgəndərov (75 kq), Rüstəm Şamilov (86 kq), eləcə də, Hylon Cedrik Vilyams (57 kq, ABŞ), Nurdualey Jarmanov (60 kq, Qazaxıstan), Viktor Materh (63 kq, Almaniya), Sukrob Sidikov (66 kq, Rusiya), Ketag Kozayev (70 kq, Rusiya), Tapia Keith (80 kq, ABŞ) turnirin qızıl medalını qazanmışlar.
Azərbaycan yığma komandası ümumi hesabda birinci yer tutaraq “Heydər Əliyev Kuboku”na sahib olmuşdur. ABŞ boksçuları ikinci, Rusiya idmançıları üçüncü yerə çıxmışlar. Şəhriyar Tağıyev turnirin ən texnikalı boksçusu adına layiq görülmüşdür.
İdmançılara kubok və medalları gənclər və idman naziri Azad Rəhimov və Azərbaycan Boks Federasiyasının prezidenti, Milli Məclisin deputatı Ağacan Abiyev təqdim etmişlər.
Bölmənin digər xəbərləri
