“Azərbaycan Dəmir Yolları”: Hava şəraiti ilə əlaqədar qatarların hərəkətində gecikmələr yarana bilər
Bakı, 14 yanvar, AZƏRTAC
Bakıda və Abşeron yarımadasında müşahidə olunan kəskin hava şəraiti ilə əlaqədar təlimata uyğun olaraq, sərnişinlərin təhlükəsizliyini təmin etmək üçün maşinist küləyin sürətinin yüksək olduğu ərazilərdə (dəniz kənarında, açıq sahələrdə) qatarın sürətini azalda bilər.
“Azərbaycan Dəmir Yolları” QSC-dən AZƏRTAC-a bildirilib ki, belə şəraitdə qatarların hərəkətində gecikmələrin yaranması ehtimalı var. Sərnişinlərdən səfərlərini planlaşdıran zaman bunu nəzərə almaları, həmçinin platformalarda diqqətli olmaları və təhlükəsizlik qaydalarına riayət etmələri xahiş edilir.
Bölmənin digər xəbərləri
