Azərbaycan ərazisində baş verən zəlzələlərin xronologiyası və xəritəsi hazırlanmışdır
Bakı, 22 aprel (AZƏRTAC). Azərbaycan Milli Elmlər Akademiyasının Respublika Seysmoloji Xidmət Mərkəzi ölkə ərazisində baş vermiş güclü zəlzələlərin xronologiyasını və xəritəsini hazırlamışdır.
Mərkəzdən AZƏRTAC-a bildirmişlər ki, Azərbaycan ərazisi seysmik baxımdan hər zaman aktiv olmuşdur. Bu aktivlik zaman-zaman ölkə ərazisində güclü zəlzələlərin baş verməsi ilə müşayiət olunmuşdur.
Mərkəzin hazırladığı xronologiyaya əsasən, dağıdıcı zəlzələlərin çoxu Şamaxıda 8-9 bal gücündə qeydə alınmışdır. Dağıdıcı zəlzələlərin baş verdiyi ərazilər sırasında Gəncə, İsmayıllı, Ağdaş, Kəlbəcər, Culfa, Bakı da vardır. Sonuncu dağıdıcı zəlzələ 2000-ci ildə 8 bal gücündə Bakıda baş vermişdir.
Zəlzələlər haqqında məlumatlarla http://seismology.az/journal/news/azerbaycan-erazisinde-bash-veren-zelzelelerin-xronologiyasi ünvanında tanış olmaq mümkündür.
Bölmənin digər xəbərləri
