CƏMİYYƏT
Azərbaycan gəncləri Moskvada keçirilən forumda iştirak edirlər
Moskva, 21 fevral, AZƏRTAC
Moskvada “Avrasiya gəncləri: Gələcəyi birlikdə qururuq!” adlı Beynəlxalq Tələbə Forumu keçirilir.
AZƏRTAC xəbər verir ki, forumda Azərbaycan da təmsil olunur.
“Şimal-Cənub” Siyasi Mərkəzi, Moskva Dövlət Universiteti və “Sodrujestvo” Mətbuat Klubunun təşkilatçılığı ilə keçirilən tədbirə qatılmış MDB ölkələrinin gəncləri sosial və vətəndaş fəallığı, gənclərin mühüm ictimai problemlərin həllində iştirakı və digər məsələləri müzakirə edir, öz layihələrini təqdim edirlər.
Azərbaycanı forumda səkkiz gənc, o cümlədən Diana Seyidova, Araz Dövlətov, Allahverdi Məmmədov, Sofya Əhədova və başqaları təmsil edirlər.
Forumun sonunda ən yaxşı "Vətəndaş təşəbbüsləri: cəmiyyətin imkanları, imkanlar cəmiyyəti”, “Milyonlar üçün ideya: məsuliyyətli biznes”, “Mən liderəm!” nominasiyalarında qalib layihələrin müəllifləri mükafatlandırılacaq.
Fəridə Abdullayeva
AZƏRTAC-ın xüsusi müxbiri
Moskva