AZƏRBAYCAN GÜLƏŞÇİLƏRİ İRANDA BEYNƏLXALQ TURNİRDƏ İŞTİRAK EDƏCƏKLƏR
Bakı, 18 fevral (AZƏRTAC). Azərbaycanın yunan-Roma güləşi üzrə yığma komandası İranın Qum şəhərində beynəlxalq turnirdə iştirak edəcəkdir.
Azərbaycan Güləş Federasiyasından bildirmişlər ki, yarışda Azərbaycanın idman şərəfini Taleh Məmmədov (55 kq), Orxan Əhmədov (55 kq), Anar Əsədov (60 kq), Hacıxan Mustafayev (60 kq), Elşad Səfərov (66 kq), Rüstəm Əliyev (66 kq), Emin Əhmədov (66 kq), Araz Həsənov (84 kq), Elgiz Məmmədov (84 kq), Vüqar Mirzəyev (96 kq) qoruyacaqlar.
Beynəlxalq dərəcəli hakim Balağa Zamanov isə yarışı idarə edən hakimlər sırasında olacaqdır. Beynəlxalq turnir fevralın 28-dən martın 1-dək keçiriləcəkdir.
Bölmənin digər xəbərləri
