AZƏRBAYCAN HƏRBÇİLƏRİ NATO-NUN TƏDBİRLƏRİNDƏ İŞTİRAK EDİRLƏR
Müdafiə Nazirliyinin mətbuat xidmətindən AZƏRTAC-a bildirmişlər ki, NATO-nun “Sülh naminə tərəfdaşlıq” Proqramı çərçivəsində iyunun 23-dən 27-dək İspaniyanın Madrid şəhərində “Sülhü Dəstəkləmə Əməliyyatları” konfransı, Ukraynanın Lvov şəhərində “Rapid Trident 2008” təliminin yekun planlaşdırma konfransı, Brüssel şəhərində (Belçika) NATO Yanacaq Komitəsinin işçi görüşü, iyunun 23-dən iyulun 4-dək Budapeşt şəhərində (Macarıstan) “Müəllimlər üçün Hərbi Terminologiya” kursu keçirilir. İyunun 24-dən 26-dək Tbilisi şəhərində (Gürcüstan) SNT Konsepsiyalarının təkmilləşdirilməsi və təcrübələrin həyata keçirilməsi üzrə işçi görüşü, iyunun 30-dan iyulun 11-dək Türkiyənin İzmir şəhərində “Hərbi Hava Əməliyyatları üzrə terminologiya” kursu keçiriləcəkdir.
NATO ilə Azərbaycan Respublikası arasında imzalanmış fərdi proqrama uyğun olaraq, həmin tədbirlərdə Silahlı Qüvvələrimizin nümayəndələri də iştirak edirlər.
Bölmənin digər xəbərləri
