AZƏRBAYCAN İLƏ BQXK ARASINDA ƏLAQƏLƏRİN İNKİŞAFI MƏSƏLƏLƏRİ MÜZAKİRƏ EDİLMİŞDİR
Xarici İşlər Nazirliyinin mətbuat mərkəzindən AZƏRTAC-a bildirmişlər ki, M.Məmmədquliyev Y.Kellenbergerin səfərinin Azərbaycan Respublikası ilə BQXK arasında münasibətlərə mühüm töhfə verəcəyini bildirmişdir.
Görüşdə Ermənistan-Azərbaycan, Dağlıq Qarabağ münaqişəsi nəticəsində itkin düşmüş şəxslər, bu problemin həlli üçün BQXK-nın hazırladığı memorandumdan irəli gələn məsələlər, penitensiar sistemdə vərəmə qarşı mübarizə ilə bağlı məqamlar müzakirə olunmuşdur.
Nazir müavini daha sonra Azərbaycanda məcburi köçkünlərlə bağlı vəziyyətə toxunmuş və Y.Kellenbergerin bu qəbildən olan insanların məskunlaşdıqları Sabirabad rayonuna nəzərdə tutulan səfərini yüksək qiymətləndirdiyini bildirmişdir.
Görüşdə qarşılıqlı maraq doğuran bir sıra digər məsələlər ətrafında da fikir mübadiləsi aparılmışdır.
Bölmənin digər xəbərləri
