AZƏRBAYCAN MİKROMALİYYƏLƏŞDİRMƏ BANKININ SƏHMDARLARI KAPİTALIN ARTIRILMASINA DAİR RAZILIĞI İMZALAMIŞLAR
AZƏRTAC xəbər verir ki, Azərbaycan Mikromaliyyələşdirmə Bankının Səhmdarlarının baş məclisində səhmdarlar nizamnamə kapitalının 9 milyon manata qədər artırılmasına dair razılığı imzalamışlar. Bununla da, ümumi nizamnamə kapitalı 20 milyon manatadək, cəm kapitalı isə 33 milyon manatadək artırılmışdır. Bu, AMMB-ni Azərbaycan banklarının ilk onluğuna daxil edəcəkdir.
2008-ci il aprelin əvvəlinə AMMB-nin kredit portfelini ümumi məbləği 140 milyon ABŞ dollar olan 55 mindən artıq kredit təşkil etmişdir. Bankın beşillik fəaliyyəti ərzində ümumi məbləği 335 milyon ABŞ dolları olan 120 mindən artıq kredit verilmişdir. Bankın ümumi aktivləri isə 160 milyon dolları ötmüşdür.
