AZƏRBAYCAN NÜMAYƏNDƏ HEYƏTİ REGİONAL “DƏYİRMİ MASA”DA İŞTİRAK EDİR
Azərbaycan Respublikasında milli informasiya-kommunikasiya texnologiyalarının inkişafı strategiyasının hazırlanması və ilkin mərhələdə tətbiq edilməsi Layihəsi üzrə milli əlaqələndirici Məleykə Abbaszadə, BMT-nin İnkişaf Proqramı üzrə mütəxəssisi Sultan Hacıyev və layihənin resurslar Səfərbərliyi üzrə eksperti Rauf Əliyev dekabrın 2-dən Vilnyusdə səfərdədirlər. Onlar burada BMT-nin “Keçid iqtisadiyyatları üçün informasiya və kommunikasiya texnologiyaları” mövzusunda keçirdiyi üçgünlük regional “dəyirmi masa”da iştirak edirlər.
Rəqəmli iqtisadiyyat, informasiya və kommunikasiya texnologiyaları marketinqi problemləri, beynəlxalq ticarətin genişləndirilməsinin asanlaşdırılması və keçid iqtisadiyyatlarında İKT məhsulları və xidmətləri biznes artımı kimi məsələlərin müzakirəsinə həsr olunmuş “dəyirmi masa”ya Azərbaycanın elektron texnologiyalarının vəziyyəti ilə bağlı icmal təqdim olunacaqdır. Məleykə Abbaszadə “Azərbaycanda İKT inkişafına milli baxış və ölkənin ixrac potensialı artımının perspektivləri” mövzusunda məruzə ilə çıxış edəcəkdir.
Bölmənin digər xəbərləri
