AZƏRBAYCAN PREZİDENTİ HEYDƏR ƏLİYEVİN FRANSAYA RƏSMİ SƏFƏRİ BAŞA ÇATMIŞDIR
Azərbaycan Prezidenti Heydər Əliyev Fransaya rəsmi səfərinin sonuncu günü yanvarın 15-də ölkənin diplomatik mətbuatının nümayəndələri ilə görüşdü. Jurnalistləri Ermənistan-Azərbaycan münaqişəsi, Lissabon Zirvə görüşündə ATƏT-in sədrinin bu problemin həllinə dair bəyanatı, münaqişənin aradan qaldırılmasında dünyanın böyük dövlətlərinin, eləcə də ATƏT-in Minsk qrupunun rolu, neft müqavilələri ilə bağlı məsələlər daha çox maraqlandırırdı. Dövlətimizin başçısı bu məsələlərə, habelə Fransa ilə Azərbaycan arasında iqtisadi əlaqələrin inkişafına dair suallara ətraflı cavab verdi.
Prezident Heydər Əliyevin televiziya kanallarına verdiyi müsahibələr bir neçə dildə Avropanın və dünyanın müxtəlif dövlətlərinə yayımlandı.
Yanvarın 15-də dövlətimizin başçısı Fransada yaşayan soydaşlarımızla da görüşdü. Onları düşündürən suallara cavab verdi.
Həmin gün Azərbaycan Prezidenti Heydər Əliyevin Fransaya rəsmi səfəri başa çatdı.
Bölmənin digər xəbərləri
