AZƏRBAYCAN PREZİDENTİ İLHAM ƏLİYEV AĞSUDA OLMUŞDUR
Xalqımızın ümummilli lideri Heydər Əliyevin adını daşıyan mərkəzi meydana toplaşan on minlərlə insan Prezidenti və onun xanımını böyük hörmət və ehtiramla, hərarətli alqışlarla qarşıladılar.
Rayon ağsaqqalı ŞAHNƏZƏR NƏZƏROV Prezidenti salamlayaraq, Ağsuda, eləcə də respublikamızda gedən böyük quruculuq işlərinə, insanların həyat səviyyəsinin yaxşılaşdırılmasına göstərdiyi diqqət və qayğıya görə minnətdarlığını bildirdi. O, dövlətimizin başçısına müraciətlə dedi:
- Cənab Prezident, sağlam bədəndə sağlam ruh olar. Sizin gördüyünüz işlər, tikdirdiyiniz stadionlar, idman zalları gələcək nəsillər üçündür. Gənclər buna daha çox meyil edirlər. Əsrlər, qərinələr keçəcək, qədirbilən xalqımız Sizi həmişə iftixar hissi ilə yad edəcəkdir.
Prezident İlham Əliyev və xanımı Mehriban Əliyeva ulu öndər Heydər Əliyevin mərkəzi meydanda ucaldılmış abidəsi önünə gül dəstələri qoydular.
Sonra dövlətimizin başçısı rayon ictimaiyyətinin nümayəndələri qarşısında nitq söylədi.
Bölmənin digər xəbərləri
