Azərbaycan Prezidenti: Qaz təchizatının artırılması ilə bağlı artıq bir sıra müraciətlər daxil olub
Bakı, 29 aprel, AZƏRTAC
Təbii qaz məsələsinə gəldikdə, biz müqavilə ilə üzərimizə düşən öhdəliklərimizi 100 faiz icra edirik. Azərbaycan qazı Gürcüstana, Türkiyəyə, Bolqarıstana, Yunanıstana və İtaliyaya ixrac olunmaqdadır. Beləliklə, Türkiyə ilə yanaşı, İtaliya da bizim qaz idxalçımızdır.
AZƏRTAC xəbər verir ki, bunu Prezident İlham Əliyev ADA Universitetində keçirilən “Cənubi Qafqaz: İnkişaf və əməkdaşlıq” mövzusunda beynəlxalq konfransda bildirib.
Dövlətimizin başçısı qeyd edib ki, ötən il Azərbaycandan İtaliyaya 9 milyard kubmetrdən çox qaz ixrac olunub.
“Təbii ki, biz qazla bağlı hasilatımızı mövcud müqavilələr çərçivəsində planlaşdırırıq və həmin müqavilələrin müəyyən konkret həcmi var, ondan çox hasil etmirik. Amma tələb olarsa, ehtiyac yaranarsa, biz, ilk növbədə, mənbələrə baxmalıyıq. Çünki bizim hasilat potensialımız yerli istehlaka və ixraca hesablanıb. Qaz təchizatının artırılması ilə bağlı artıq bir sıra müraciətlər daxil olub. Təkcə İtaliya deyil, başqa Avropa ölkələrindən bizə müraciətlər daxil olub”, - deyə Prezident İlham Əliyev bildirib.
Bölmənin digər xəbərləri
