AZƏRBAYCAN RESPUBLİKASININ BAŞ NAZİRİ ZATİ-ALİLƏRİ CƏNAB İLHAM ƏLİYEVƏ
Azərbaycan Respublikasının prezidenti seçkilərində qələbəniz münasibətilə səmimi təbriklərimi qəbul edin. Qarşınıza qoyduğunuz məqsədə çatmaqda göstərdiyiniz enerji və iradə həmyerliləriniz – respublikanın sakinləri tərəfindən layiqincə qiymətləndirildi və bu, seçkilərdə müvəffəqiyyətinizin möhkəm təməli oldu.
Əminəm ki, siyasətçi istedadı və yüksək iş qabiliyyəti Sizə doğma Azərbaycanın sosial-iqtisadi inkişafı məsələlərini uğurla həll etməyə imkan verəcəkdir.
Səmimi qəlbdən Sizə möhkəm cansağlığı, tükənməz enerji, səmərəli iş uğurları və firavanlıq arzulayıram.
Hörmətlə,
Dmitri Ayatskov,
Saratov vilayətinin qubernatoru
Saratov, 17 oktyabr 2003-cü il.
Bölmənin digər xəbərləri
