AZƏRBAYCAN RESPUBLİKASININ NAZİRLƏR KABİNETİNDƏ
“Məşğulluq haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2001-ci il 9 avqust tarixli Fərmanının icrasını təmin etmək məqsədi ilə Nazirlər Kabinetinin qəbul etdiyi 2002-ci il 6 dekabr tarixli 191 nömrəli qərara əsasən Azərbaycan Respublikası Əmək və Əhalinin Sosial Müdafiəsi Nazirliyinin Baş Məşğulluq İdarəsi və onun yerli orqanlarının göndərişi ilə peşə hazırlığı, yenidən hazırlıq keçdikləri və ixtisaslarını artırdıqları dövrdə təhsil alan şəxslərə verilən təqaüdün minimum məbləği 30000 (otuz min) manat təsdiq edilmişdir.
Peşə hazırlığı, yenidən hazırlıq və ixtisasartırma dövründə vətəndaşlara verilən təqaüdün minimum məbləğinin artırılması ilə əlaqədar cari ilin sonunadək tələb olunan əlavə xərclər “2002-ci ildə əhalinin məşğulluğunun təmin edilməsinə ayrılan vəsaitin məqsədli xərclənməsini nəzərdə tutan Proqram”da təsbit olunmuş müvafiq ödənişlər dairəsində, növbəti illər üzrə isə müvafiq Proqramda bu məqsəd üçün vəsaitlər proqnozlaşdırılmaqla ödənilmişdir.
Bu qərar imzalandığı gündən qüvvəyə minmişdir.
Bu qərar barədə AZƏRTAC-a Nazirlər Kabinetinin mətbuat mərkəzindən məlumat vermişlər.
Bölmənin digər xəbərləri
