AZƏRBAYCAN RESPUBLİKASININ NAZİRLƏR KABİNETİNDƏ
“Sahibkarlığın inkişafına mane olan müdaxilələrin qarşısının alınması haqqında” Azərbaycan Respublikası Prezidentinin 2002-ci il 28 sentyabr tarixli Fərmanının 10-cu bəndinin 9-cu abzasının icrasını təmin etmək məqsədi ilə Nazirlər Kabinetinin qəbul etdiyi 2002-ci il 13 dekabr tarixli 196 nömrəli qərarına əsasən Azərbaycan Respublikasının İqtisadi İnkişaf Nazirliyi, Ədliyyə Nazirliyi, Vergilər Nazirliyi, Maliyyə Nazirliyi və Dövlət Statistika Komitəsi ilə razılaşdırılmış “Nəzarət kitabçası” haqqında Əsasnamə təsdiq edilmişdir.
Azərbaycan Respublikasının Maliyyə Nazirliyinə tapşırılmışdır ki, “Nəzarət kitabçası”nın çapı ilə bağlı maliyyə vəsaitinin ayrılmasını təmin etsin.
“Nəzarət kitabçası” haqqında Əsasnamənin təsdiq edilməsi haqqında” Azərbaycan Respublikası Nazirlər Kabinetinin 1999-cu il 2 mart tarixli 31 nömrəli qərarı qüvvədən düşmüş hesab olunmuşdur.
Bu qərar imzalandığı gündən qüvvəyə minmişdir.
Bu qərar barədə AZƏRTAC-a Nazirlər Kabinetinin mətbuat mərkəzindən məlumat vermişlər.
Bölmənin digər xəbərləri
