RƏSMİ XRONİKA
AZƏRBAYCAN RESPUBLİKASININ PREZİDENTİ HEYDƏR ƏLİYEV İSVEÇRƏYƏ YOLA DÜŞMÜŞDÜR
Yanvarın 27-də Azərbaycan Respublikasının prezidenti Heydər Əliyev İsveçrənin Davos şəhərində öz işinə başlayan Ümumdünya İqtisadi Forumunda iştirak etmək üçün bu ölkəyə yola düşmüşdür.
Binə hava limanında Azərbaycan Prezidenti Heydər Əliyevi respublika Ali Sovetinin sədri Rəsul Quliyev, Baş nazirin vəzifəsini icra edən Fuad Quliyev, Ali Sovet sədrinin müavinləri, Baş nazirin müavinləri və başqa rəsmi şəxslər yola salmışlar.
Cümə axşamı İsveçrənin kurort şəhəri Davosda açılan Ümumdünya İqtisadi Forumunun illik sessiyasnın iclaslarında aparılan fikir mübadiləsinin əsas mövzusunu dünya inkişafının persperktivləri və problemləri təşkil edir.
Yanvarın 27-də görüşün iştirakçıları - dövlət və hökumət başçıları, dünya biznesinin liderləri, aparıcı iqtisadçılar və politoloqlar bu problemlərin müzakirəsini ümumi iclasda davam etdirmişlər.
Davos forumu yanvarın 31-də başa çatacaqdır.