AZƏRBAYCAN RESPUBLİKASININ PREZİDENTİ HEYDƏR ƏLİYEVİN TÜRKİYƏYƏ YOLA DÜŞMÜŞDÜR
-Mənim səfərim Füzulinin 500 illliyi ilə əlaqədardır. Məhz yubileylə. Lakin Türkiyə Cumhuriyyəti ilə Azərbaycan Respublikası arasındakı dostluq əlaqələri elə sıxdır ki, səfərimiz Füzulinin yubiley şənlikləri ilə məhdudlaşmayacaq. Orada dövlət, hökumət başçıları ilə, ictimaiyyətlə görüşlərim olacaqdır. Ona görə də bu imkan eyni zamanda Azərbaycanla Türkiyə Cumhuriyyəti arasında əlaqələrin daha da inkişaf etməsi üçün yenibir addım olacaqdır. Mən bunu çox əhəmiyyətli, səmərəli sayıram və belə düşünürəm ki, bu səfərdən həm Türkiyə Cumhuriyyəti, həm də Azərbaycan Respublikası tərəfindən istifadə ediləcəkdir.
Azərbaycan prezidenti Heydər Əliyevin respublika Ali Sovetinin sədri Rəsul Quliyev, baş nazirin vəzifəsini icra edən Fuad Quliyev və digər rəsmi şəxslər yola salmışlar.
Azərbaycan prezidenti Heydər Əliyev elə həmin gün Ankaraya gəlmişdir. “Esenboğa” hava limanında Azərbaycan dövlətinin başçısını Türkiyənin dövlət naziri Ayvaz Kökdəmir, mədəniyyət naziri Timurçin Savaş, respublikamızın Türkiyədəki səfiriMəmməd Əliyev və digər rəsmi şəxslər qarşılamışlar.
Təxminən bir saatdan sonra Heydər Əliyev “Hilton” mehmanxanasındakı iqamətgahında Cənubi Afrika Respublikası, Norveç, Kanada, DanimarkaŞ Macarıstan , Birləşmiş Ərəb Əmirliklər, Səudiyyə Ərəbistanı, Meksika, Hindistan və Hollandiyanın Türkiyə və Azərbaycandakı səfirlərini qəbul etmişdir. Görüş zamanı Azərbaycan rəhbəri respublikamızdakı ictimai-siyasİ, iqtisadi vəziyyət, Azərbaycanın müstəqillik yolunda atdığı addımlar barədə danımış, Qarabağ münaqişəsinə son qoyulması ilə bağlı ölkəmizin mövqeyini açıqlamışdır.
Sonra səfirlər onları maraqlandıran suallarla Heydər Əliyevə müraciət etmişlər. Meksika səfirinin MDB ölkələri dövlət başçılarının Moskva görüşü, Norveç səfirini neft müqaviləsinin perspektivləri, Macarıstan səfirini Ermənistan-Azərbayvan münaqişəsinin aradan qaldırılmasında ATƏM-in rolu məsələləri maraqlandırırdı. Azərbaycan prezidenti qeyd etdi ki, MDB ölkələri dövlət başçılarının Moskva görüşündə təklif olunan sənədlərin bəzilərini Azərbaycan imzaladı, çünki onların bir neçə maddəsi dövlət müstəqilliyimizə xələl gətirir və dövlətüstü iqtisadi qurum yaratmaq ideyasına əsaslanır. Azərbaycan isə heç vaxt belə yolla gedə bilməz. Xarici ölkələrin şirkətləri ilə imzaladığımız neft müqaviləsinin reallaşmasına isə heç kəs şübhə etməməlidir. Heydər Əliyev dedi ki, Dağlıq Qarabağ münaqişəsinin həlli ilə bağlı ATƏM-in fəaliyyəti gücləndirilməlidir. BMT-nin baş katibi Butros Qali ilə Bakıda keçirilmiş görülər zamanı da bu barədə fikir mübadiləsi aparılmışdır.
Günortadan sonra Prezident Heydər Əliyev Azərbaycan və Türkiyə işgüzar dairələrinin əlaqələndirici təşkilatının rəhbərləri ilə görüşmüşdür
Azərbaycan Prezidenti Heydər Əliyev irəli sürülən təkliflərin nəzərə alınacağını qeyd edərək bildirmişdir ki, onun səfəri başa çatdıqdan sonra bu məsələlər qarşılıqlı mənafe əsasında həll ediləcəkdir.
Sonra Heydər Əliyev Ankarada yaşayan azərbaycanlılarla görüşmüş, kütləvi informasiya vasitələrinin nümayəndələri üçün geniş mətbuat konfransı keçirmişdir.
Noyabrın 1-də axşam Prezident Heydər Əliyev və Azərbaycan nümayəndə heyətinin üzvləri Bilkənd Universitetində Füzuli yubileyinin açılışı mərasimində iştirak etmişlər.
Bölmənin digər xəbərləri
