AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİRZA OĞLU ƏLİYEVƏ

14.08.2001 [22:12]
Çap et
A⁺ A^-

Çox hörmətli Heydər Əlirza oğlu!

İcazə verin, mükafata görə, mənə göstərdiyiniz daimi diqqətə və yaradıcılığıma verdiyiniz yüksək qiymətə görə Sizə ürəkdən təşəkkürümü bildirim.

Həyatımdakı ən təntənəli hadisələr Sizin bütün mədəniyyət xadimlərinə və şəxsən mənə olan qayğınızla bağlıdır. Mənim bütün mükafatlarım və fəxri adlarım yaradıcılıq axtarışlarımı Sizin təqdir etməyinizin əlamətləridir. Mən bir rəssam olaraq gözümün önündə Sizin kimi tarixi şəxsiyyəti görərək kamilləşmişəm və zəmanəmizin Böyük İnsanı ilə bir vaxtda yaşayıb-yaratmağımı talenin mənə böyük hədiyyəsi hesab edirəm. Sizin dühanızın ziyası öz xalqının azadlığını və səadətini istəyənlərin hamısını nurlandırır. Siz bütün ömrünüzü öz xalqınıza xidmətə həsr etmisiniz və bizə də bunu - öz Vətənimizi, azad, müstəqil Azərbaycan Respublikasını sevməyi, ona hörmət bəsləməyi və onunla fəxr etməyi öyrədirsiniz.

Əziz Heydər Əlirza oğlu, özümə rəva bilərək, yüksək mükafata görə, Sizin diqqət və qayğınıza görə öz səmimi təşəkkürümü bir daha ifadə edirəm.

Sizə və ailənizə cansağlığı və firavanlıq arzulayıram.

Dərin hörmətlə,

Vidadi Nərimanbəyov

Azərbaycanın xalq rəssamı

11 avqust 2001-ci il,