AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİYEVƏ
Çox əhəmiyyətli və cəsarətli qərarınızla Azərbaycan dövlətinin latın əlifbasına keçdiyini böyük məmnuniyyətlə eşitdim. Türkiyənin Atatürk dövründə, 1928-ci ildə ərəb əlifbasından latın əlifbasına keçməsi bugünkü müasir Türkiyənin inkişafında, elminin yüksəlişində və çağdaşlaşma yolunda böyük işlər görülməsi üçün çox mühüm amil olmuşdur. Bunu zati-alinizin öz ölkəsində təqdir etməsindən məmnunam.
Bu səbəblə yeni islahatınızla Azərbaycanın daha böyük sürətlə müasirləşəcəyinə, beynəlxalq əlaqələrinin daha da genişlənəcəyinə və elm aləmində yeni zirvələr fəth edəcəyinə ürəkdən inanıram.
Çox əhəmiyyətli, əhəmiyyətli olduğu qədər də faydalı olan bu qərarınıza görə Sizi ürəkdən təbrik edir, bunun qardaş Azərbaycan xalqı üçün görülmüş böyük bir iş olduğu düşüncəsi ilə məmnunluğumu və Sizə olan hörmətimi bildirirəm.
Professor-doktor A.Yüksel Bozər
Türkiyə-Azərbaycan dostluq, işbirliyi
və həmrəylik vəqfinin idarə heyətinin
baş katibi
Bölmənin digər xəbərləri
