AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Azərbaycanın 28 May – milli bayramı münasibətilə Amerika xalqı adından ən xoş arzularımı qəbul etmənizi xahiş edirəm. Keçən ay Sizi Vaşinqtonda qəbul etmək çox xoş idi. Bizim görüşümüz ölkələrimizin təhlükəsizlik, enerji və demokratiya sahələrində bölüşdürdüyümüz maraqların inkişafı üçün tarixi bir imkan oldu. Sizin hökumətiniz Azərbaycan xalqı üçün firavan və ümidli gələcək qurmaqda davam edir. Mən ümid edirəm ki, Siz xalqınızın gələcək uğurunu təmin etmək üçün lazımi demokratik və iqtisadi islahatları aparmaqda da davam edəcəksiniz. Dağlıq Qarabağ münaqişəsinin sülh və danışıqlar yolu ilə həllinə nail olunması istiqamətində Sizin davamlı fəaliyyətinizi səbirsizliklə gözləyirəm.
Səmimiyyətlə,
Corc W. Buş
Amerika Birləşmiş Ştatlarının
Prezidenti
Bölmənin digər xəbərləri
