Azərbaycan Rusiya sousları və ədviyyatlarının ən böyük beş idxalçısı sırasında yer alır
Moskva, 26 sentyabr, AZƏRTAC
2026-cı ilin yanvar-avqust ayları ərzində Azərbaycan Rusiya souslarının, inqrediyentlərinin və qarışıq ədviyyatların ən böyük beş idxalçısı sırasında yer alıb.
AZƏRTAC “Aqroexport” federal mərkəzinə istinadla xəbər verir ki, Rusiyadan Azərbaycana ixrac olunan bu məhsulların dəyəri təxminən 2,5 milyon dollar təşkil edib.
Cəmi bu ilin ilk səkkiz ayında Rusiya bu məhsullardan təxminən 73 milyon dollar dəyərində 23 min tondan çox ixrac edib. Keçən ilin eyni dövrü ilə müqayisədə ixrac həcm baxımından 21 faiz, məhsulların dəyəri göstəricisi üzrə isə 31 faiz artıb.
Qazaxıstan Rusiyanın bu məhsullarının ən böyük alıcısı olub və təxminən 32 milyon dollar dəyərində tədarük həyata keçirilib. Belarus, Özbəkistan və Qırğızıstan da ən çox idxal edən ölkələr arasında olub. Bundan əvvəl verilən məlumata görə, yanvar-avqust aylarında Azərbaycan da Rusiyanın hazır şorba və bulyonlarının ən böyük üç idxalçısından biri olub. Bu iki məhsulun ölkəmizə tədarükünün həcmi 800 min dolları keçib.
Bölmənin digər xəbərləri
