Azərbaycan Tərcümə Mərkəzi seçim turlarını davam etdirir
Bakı, 22 oktyabr, AZƏRTAC
Azərbaycan Tərcümə Mərkəzi dil və tərcümə işinin təkmilləşdirilməsi, ölkədə fəaliyyət göstərən peşəkar tərcümə mütəxəssislərinin müəyyən edilməsi və sertifikatlaşdırılması üzrə 2019-cu ilin birinci seçim turlarını davam etdirir.
Tərcümə Mərkəzindən AZƏRTAC-a bildirilib ki, seçimdə iştirak üçün şəxsiyyət vəsiqəsinin surəti və CV mərkəzin [email protected] ünvanına göndərilməli, yaxud kağız formatında Bakı şəhəri, Əlimərdan bəy Topçubaşov küçəsi 74 ünvanına təqdim edilməlidir.
Mərkəzin elektron poçtuna göndərilən sənədlərin “mövzu” bölümündə namizədlərin hansı dil və tərcümə sahəsi üzrə ixtisaslaşdığı qeyd olunmalıdır.
Sənədlərin qəbulu gələn il fevralın 28-dək davam edəcək.
Bölmənin digər xəbərləri
