AZƏRBAYCAN TRASEKA NƏQLİYYAT DƏHLİZİ İLƏ DAŞIMALARDAN 85 MİLYON MANATDAN ÇOX GƏLİR ƏLDƏ ETMİŞDİR
Cari ilin ilk beş ayında Azərbaycan TRASEKA nəqliyyat dəhlizi ilə daşımalardan 85 milyon manatdan çox gəlir əldə etmişdir.
Bu, ötən ilin eyni dövrü ilə müqayisədə 12,5 faiz çoxdur. Həmin dövrdə dəhlizin Azərbaycan hissəsi ilə 15,7 milyon ton yük, 61 milyon nəfərdən çox sərnişin daşınması həyata keçirilmişdir.
AZƏRTAC xəbər verir ki, bu fikirlər Nəqliyyat Nazirliyində Avropa İttifaqı ilə MDB dövlətləri arasında nəqliyyat dialoqu və TRASEKA ölkələri üzrə nəqliyyat axınlarının təhlili layihəsi çərçivəsində təşkil edilmiş müzakirələr zamanı səslənmişdir. Tərəflər həmçinin “Məlumatların toplanması və GİS məlumatlar bazasının planları” üzrə təlim seminarı proqramını müzakirə etmişlər. Vurğulanmışdır ki, Azərbaycanda yol-nəqliyyat kompleksinin inkişafı yükdaşımalarda yüksək nəticələr əldə edilməsinə imkan yaratmışdır.
Bölmənin digər xəbərləri
