Azərbaycan və Fransadan olan sahibkar qadınlar gələcək birgə layihələri müzakirə ediblər
Bakı, 26 may, AZƏRTAC
Azərbaycanda Qadın Sahibkarlığının İnkişafı Assosiasiyasının (AQSİA) İdarə Heyətinin sədri Səkinə Babayeva, Paris Azərbaycan Evinin prezidenti, Fransada Azərbaycanın Dostları Assosiasiyasının baş katibi Mirvari Fətəliyeva və qadın sahibkarlarla görüşüb.
AQSİA-dan AZƏRTAC-a bildirilib ki, görüşdə çıxış edən assosiasiya sədri Səkinə Babayeva Fransada keçirilən "Qarabağ İncilərinin Avropa sədası" adlı layihənin təqdimat mərasimi və moda defilesi haqda ətraflı məlumat verib.
Bildirib ki, Azərbaycanın Fransadakı səfirliyi və Paris-Azərbaycan evi, həmçinin Fransada Azərbaycanın Dostları Assosiasiyası Parisdə keçirilən bu mötəbər tədbirin əsas təşkilatçılarıdır.
Geniş məruzə ilə çıxış edən Fransada Azərbaycanın Dostları Assosiasiyasının baş katibi M.Fətəliyeva hər iki ölkədən olan sahibkar qadınların şəbəkələşməsinin və gələcək birgə layihələrdə iştirakının önəmindən söz açıb.
Bölmənin digər xəbərləri
