AZƏRBAYCAN VƏ TÜRKİYƏ GƏNCLƏRİNİN CƏMİYYƏTİN TƏRƏQQİSİ NAMİNƏ FƏALİYYƏTİ MƏMNUNLUQ DOĞURUR
AZƏRTAC xəbər verir ki, Türkiyə Böyük Millət Məclisinin sədri Köksal Toptan Bakıda “Türkiyə Universitetləri Məzunları” İctimai Birliyinin (TUMİB) üzvləri ilə görüşündə demişdir ki, Azərbaycan və Türkiyə gənclərinin cəmiyyətin tərəqqisi naminə fəaliyyəti məmnunluq doğurur.
1992-ci ildə Türkiyənin təhsil naziri işləyərkən Azərbaycandan və digər türk respublikalarından 10 min tələbənin ölkəsində təhsil aldığını xatırladan Köksal Toptan, həmin gənclərin bu gün cəmiyyətin tərəqqisi naminə fəaliyyət göstərməsindən məmnunluğunu bildirmişdir.
Dövlətlərimimz arasında əlaqələrin inkişaf səviyyəsindən razı qaldığını deyən Türkiyə parlamentinin sədri ölkəsinin Dağlıq Qarabağ münaqişəsi ilə bağlı mövqeyinin bundan sonra da dəyişməyəcəyini vurğulamışdır.
Birliyin sədri Çingiz Bayramov hörmətli qonağa təşəkkür edərək TUMİB üzvlərinin ölkələrimiz arasındakı əlaqələrin daha da inkişafı üçün bundan sonra da səylə çalışacaqlarını demişdir.
Bölmənin digər xəbərləri
