AZƏRBAYCAN XALQ CÜMHURİYYƏTİNİN 90 İLLİK YUBİLEYİ İLƏ BAĞLI TOVUZDA YIĞINCAQ KEÇİRİLMİŞDİR
AZƏRTAC xəbər verir ki, mayın 27-də Tovuz şəhər mədəniyyət evində Azərbaycan Xalq Cümhuriyyətinin 90 illik yubileyi ilə bağlı təntənəli mərasim keçirilmişdir.
Mərasimdə rayon icra hakimiyyəti başçısının müavini Niftalı Qasımov məruzə ilə çıxış etmişdir. Natiq coxəsrlik dövlətçilik tariximizdə Azərbaycan Xalq Cümhuriyyətinin mustəsna yeri və rolu haqqında danışmışdır. O, cəmi 23 ay yaşamış Xalq Cümhuriyyətinin keçdiyi şərəfli yoldan danışaraq, bu gün onun varisi olan müstəqil Azərbaycan dövlətinin beynəlxalq aləmdə özünəməxsus yer tutmasında ümummilli liderimiz Heydər Əliyevin misilsiz xidmətlərindən söhbət açmış, Şərqdə ilk demokratik respublikada Azərbaycan dilinin dövlət dili elan edilməsindən, milli ordu quruculuğu sahəsində görulən işlərdən bəhs etmişdir. Vurğulamışdır ki, mustəqilliyimizi bərpa edəndən sonra dövlətçiliyimizin qurulmasında və formalaşmasında dünya şöhrətli siyasətçi, ulu öndər Heydər Əliyevin misilsiz xidmətlərin olmuşdur. Qeyd etmişdir ki, bu gün ümummilli liderin ideyalarını Prezident İlham Əliyev uğurla həyata keçirir.
Mərasimin sonunda tədbir iştirakçıları rayon bədii özfəaliyyət kollektivlərinin hazırladıqları bayram konsertinə baxmışlar.
Bölmənin digər xəbərləri
