AZƏRBAYCAN XALQ CÜMHURİYYƏTİNİN 90 İLLİK YUBİLEYİ İLƏ BAĞLI TOVUZDA YIĞINCAQ KEÇİRİLMİŞDİR
AZƏRTAC xəbər verir ki, Tovuz şəhər mədəniyyət evində Azərbaycan Xalq Cümhuriyyətinin 90 illik yubileyi ilə bağlı təntənəli mərasim keçirilmişdir.
Mərasimdə çıxış edənlər çoxəsrlik dövlətçilik tariximizdə Azərbaycan Xalq Cümhuriyyətinin müstəsna yeri və rolu haqqında danışmışlar. Cəmi 23 ay yaşamış Xalq Cümhuriyyətinin keçdiyi şərəfli yoldan danışan natiqlər, bu gün onun varisi olan müstəqil Azərbaycan dövlətinin beynəlxalq aləmdə özünəməxsus yer tutmasında ümummilli liderimiz Heydər Əliyevin misilsiz xidmətlərindən söhbət açmış, Şərqdə ilk demokratik respublikada Azərbaycan dilinin dövlət dili elan edilməsindən, milli ordu quruculuğu sahəsində görulən işlərdən bəhs etmişlər. Vurğulanmışdır ki, müstəqilliyimizi bərpa edəndən sonra dövlətçiliyimizin qurulmasında və formalaşmasında dünya şöhrətli siyasi xadim, ulu öndər Heydər Əliyevin misilsiz xidmətləri olmuşdur. Ümummilli liderin ideyalarını Prezident İlham Əliyev uğurla həyata keçirir.
Mərasimin sonunda tədbir iştirakçıları rayon bədii özfəaliyyət kollektivlərinin hazırladıqları bayram konsertinə baxmışlar.
Bölmənin digər xəbərləri
