AZƏRBAYCANDA APARILAN İSLAHATLAR İLK NÖVBƏDƏ CƏMİYYƏTİN İNKİŞAFI VƏ RİFAHINA YÖNƏLMİŞDİR
AZƏRTAC xəbər verir ki, iyunun 20-də xarici işlər naziri Elmar Məmmədyarov Estoniya parlamenti sədrinin müavini Kristina Oyuland ilə görüşmüşdür.
Xarici İşlər Nazirliyinin mətbuat xidmətindən bildirmişlər ki, Azərbaycan Parlamentin 90 illiyi münasibətilə keçirilən təntənəli yubiley yığıncağında iştirakından məmnunluğunu ifadə edən xanım K.Oyuland ölkəmizdə şahidi olduğu dinamik inkişafı, iqtisadi nailiyyətləri yüksək qiymətləndirmişdir. Qonaq, həmçinin Avropa institutları, xüsusilə Avropa Şurası ilə əlaqələrin dərinləşdirilməsi və demokratiya quruculuğu sahəsində ölkəsinin Azərbaycan ilə birgə əməkdaşlığa hazır olduğunu qeyd etmişdir.
Nazir Elmar Məmmədyarov Azərbaycanın Avropaya inteqrasiya prosesində, demokratiya quruculuğunda maraqlı olduğunu, ölkədə aparılan islahatların, ilk növbədə, cəmiyyətin inkişafı və rifahına yönəldiyini, bu baxımdan Avropa institutları qarşısında götürdüyü öhdəliklərin yerinə yetirilməsinə ciddi önəm verdiyini bildirmişdir.
Görüşdə, həmçinin Estoniya-Azərbaycanın əlaqələrinin inkişaf perspektivləri, yeni istiqamətlərdə əməkdaşlıq, Azərbaycan sərmayəçiləri üçün Estoniyada maraqlı biznes imkanlarının araşdırılması məsələləri nəzərdən keçirilmişdir.
Bölmənin digər xəbərləri
