Azərbaycanda elektron-ticarət dövriyyəsinin həcmi il ərzində 2 dəfə artıb
Bakı, 13 iyun, AZƏRTAC
Bu ilin yanvar-may aylarında Azərbaycanın pərakəndə ticarət subyektlərində istehlakçılara 9,5 milyard manatlıq əmtəə satılıb. Bu, ötən ilin müvafiq dövrü ilə müqayisədə 9,7 faiz çoxdur.
Dövlət Statistika Komitəsindən AZƏRTAC-a verilən məlumata görə, satılmış istehlak mallarının 50,1 faizini ərzaq məhsulları, içkilər və tütün məmulatları, 49,9 faizini qeyri-ərzaq malları təşkil edib. Qeyri-ərzaq mallarının xüsusi çəkisi 2014-cü ilin yanvar-may ayları ilə müqayisədə 1,2 faiz artıb.
Cari ilin ilk beş ayında elektron pərakəndə ticarət dövriyyəsinin həcmi əvvəlki ilin yanvar-may aylarına nisbətən 1,9 dəfə artaraq 4,9 milyon manat olub. Əhali onlayn rejimində sifariş verdiyi istehlak mallarının 92,8 faizini hüquqi şəxslərin, 7,2 faizini fərdi sahibkarların elektron ticarət şəbəkəsindən alıb. Elektron ticarət dövriyyəsinin 96,5 faizini qeyri-ərzaq malları təşkil edib.
Bölmənin digər xəbərləri
