Azərbaycandan Körfəz ölkələrinə meyvə-tərəvəzin ixracı müzakirə olunub
Bakı, 13 iyun, AZƏRTAC
Azərbaycan Respublikasının İxracın və İnvestisiyaların Təşviqi Agentliyinin (AZPROMO) təşkilatçılığı ilə ölkəmizin iş adamları ilə Birləşmiş Ərəb Əmirliklərinin “Ecogarden” şirkətinin nümayəndələri arasında onlayn görüş keçirilib. Görüşdə Azərbaycanın BƏƏ-dəki Ticarət Nümayəndəliyi, AZPROMO, “Ecogarden” şirkətinin nümayəndələri, eləcə də yerli iş adamları iştirak ediblər.
AZPROMO-dan AZƏRTAC-a bildirilib ki, “Ecogarden” ilə yerli şirkətlər arasında ilkin tanışlıq xarakteri daşıyan görüşdə Azərbaycanda istehsal edilən meyvə-tərəvəz məhsullarının Körfəz ölkələrinə ixracı ilə bağlı imkanlar müzakirə olunub. Görüş zamanı, həmçinin Körfəz ölkələrində yerli məhsullarımıza olan tələbat, eləcə də bu regiona məhsul ixrac etmiş şirkətlərin praktikada qarşılaşdığı çətinliklər, onların həlli istiqamətində görüləcək işlərə barədə fikir mübadiləsi aparılıb, növbəti mərhələdə sözügedən müzakirələrin fiziki görüşlərlə davam etdirilərək çətinliklərin aradan qaldırılması və yerli şirkətlərin Körfəz regionuna ixracının formalaşdırılması vurğulanıb.
Bölmənin digər xəbərləri
