AZƏRBAYCANIN BƏDİİ GİMNASTİKA ÜZRƏ QRUP KOMANDALARI YENİ HƏRƏKƏTLƏRİ ÖYRƏNİRLƏR
Onlar Azərbaycan Gimnastika Federasiyasının mətbuat xidmətinə müsahibələrində bildirmişlər ki, əvvəlki hərəkətlər yenidən qurulmuş və iki yeni kompozisiya hazırlanmışdır. Dünya çempionatı üçün nəzərdə tutulmuş proqrama beş iplə hərəkət və yeniyetmələr arasında Avropa birinciliyinin proqramına beş cüt gürzlə hərəkətlər daxil edilmişdir. İ.Bıstrovanın sözlərinə görə, məşqlər yaxşı keçmiş, Azərbaycan milli motivlərindən ibarət musiqilər seçilmişdir. O demişdir: “Qızların hərəkətləri bacarıqla mənimsəməsi xoşuma gəlmişdir”.
N.Laşşinskaya isə demişdir ki, lap əvvəldən gimnastların hərəkətlərini rəqs üslubunda qurmağı nəzərdə tutmuşduq. Novbəti mərhələdə texnikanın səviyyəsinin yüksəldilməsinə diqqət yetirmişik. Hesab edirəm ki, buna nail olmuşuq. Düzdür, bəzi elementlər var ki, Azərbaycan gimnastları onları bir qədər təkmilləşdirməlidirlər. Məsələn, gənc idmançılar hərəkətləri daha effektli, yaşlılar isə daha əlaqəli yerinə yetirirlər.
Rusiya məşqçilərinin fikrincə, ip və gürz müasir gimnastikada mürəkkəb alətlər sayılır. Onlar əmindirlər ki, növbəti Avropa və dünya çempionatlarında Azərbaycanın qrup komandaları bu kompozisiyaları bacarıqla yerinə yetirəcəklər.
Fevral ayında Estoniyada keçiriləcək beynəlxalq turnir ölkəmizin qrup komandaları üçün 2006-cı ildə ilk yarış olacaqdır. Bu ilin başlıca yarışması isə sentyabrda Portuqaliyada keçirilməsi nəzərdə tutulan Avropa çempionatıdır.
