Azərbaycanın cüdo üzrə yığması Avropa Kubokunun iki bürünc medalını qazanmışdır
Bakı, 10 may (AZƏRTAC). Azərbaycanın cüdo üzrə yığması oğlanlar və qızlar arasında Berlində keçirilmiş Avropa Kuboku yarışlarında iki bürünc medal qazanmışdır. 60 kiloqram çəki dərəcəsində uğurla mübarizə aparan Rəşad Rufullayev yarımfinalda rusiyalı Eldar Qazıməhəmmədova uduzmuş, təsəlliverici finalda Rusiyanın digər idmançısı Oleq Sanini məğlub etmişdir.
Mixail Ananyev 66 kiloqram çəki dərəcəsində yarımfinala çıxmış, bu mərhələdə rusiyalı Ramazan Qocayevə uduzmuş, təsəlliverici qarşılaşmada isə israilli Yevgeni Şolosa qalib gəlmişdir.
Azərbaycan yığması ümumi hesabda onuncu yeri tutmuşdur. Qələbəni isə hesabında altı qızıl, səkkiz gümüş və on bir bürünc medal olan Rusiya yığması bayram etmişdir.
Bölmənin digər xəbərləri
