Azərbaycanın futbol yığması Bişkekdə Qırğızıstan komandası ilə heç-heçə oynamışdır
Bakı, 19 noyabr (AZƏRTAC). Bişkekdə, Dolen Omurzakov adına stadionda Qırğızıstan ilə Azərbaycan yığmaları arasında yoldaşlıq matçı keçirilmişdir.
AZƏRTAC xəbər verir ki, oyun qarşılıqlı hücum şəraitində keçmişdir. Çoxlu sayda təhlükəli məqamların olmasına baxmayaraq, Azərbaycan futbolçuları rəqiblərin qapısından top keçirə bilməmişlər. Nəticədə oyun 0:0 hesabı ilə başa çatmışdır.
Komandalar aşağıdakı tərkibdə meydana çıxmışlar.
Qırğızıstan komandası: Pavel Matyaş, Valeri Kiçin, Tahir Avçiyev, Davron Əsgərov, Fərrux Abitov, Vadim Xarçenkio, Klod Maka Kum, Anatoli Vlasiçev, Əhləddin İsrailov, Xurşit Lutfullayev, Devid Bryus Tette.
Azərbaycan komandası: Səlahət Ağayev, Mahir Şükürov, Rahid Əmirquliyev, Vaqif Cavadov, Elnur Allahverdiyev, İlter Taşkin, Bədəvi Hüseynov, Rauf Əliyev.
Matçı Artyom Kuçinin başçılığı ilə Qazaxıstandan arbitrlər briqadası idarə etmişdir.
Bölmənin digər xəbərləri
