Azərbaycanın hər bir şəhərində IDEA guşəsi yaradılacaqdır
Bakı, 24 sentyabr (AZƏRTAC). Azərbaycanın hər bir şəhərində Ətraf Mühitin Mühafizəsi üzrə Beynəlxalq Dialoq Təşəbbüsü - IDEA guşəsi yaradılacaqdır.
Bu sözləri IDEA kampaniyasının ictimaiyyətlə əlaqələr üzrə mütəxəssisi Lalə Nəbiyeva AZƏRTAC-a müsahibəsində demişdir.
Leyla Nəbiyeva bildirmişdir ki, IDEA kampaniyası 2011-ci il iyulun 11-də Heydər Əliyev Fondunun vitse-prezidenti Leyla Əliyeva tərəfindən yaradılmışdır. Kampaniyanın əsas məqsədi həm regionun, həm də dünya gənclərini ekoloji məsələlərlə bağlı maarifləndirmək və onları daha da “yaşıl” düşünməyə vadar etməkdir.
Lalə Nəbiyeva vurğulamışdır ki, IDEA-nın həyata keçirdiyi “Yaşıl Azərbaycan naminə” layihəsində 20-dən artıq gənc ölkəmizin 20 əsas şəhərində səfərdə olacaq, su, meşə, atmosfer və sair mövzularda təlimlər keçəcəklər.
Layihənin əsas məqsədi bölgələrimizin gənclərinin internetə çıxış imkanlarının məhdudluğunu nəzərə alaraq onların maarifləndirilməsi işinin sürətləndirilməsini təmin etməkdir. Bu məqsədilə hər bir şəhərimizdə IDEA guşəsi yaradılacaqdır.
Bölmənin digər xəbərləri
