Azərbaycanın Müdafiə naziri NATO-nun toplantısında iştirak edəcək
Bakı, 24 oktyabr, AZƏRTAC
Azərbaycan Respublikasının Müdafiə naziri, general-polkovnik Zakir Həsənov Əfqanıstanda həyata keçirilən “Qətiyyətli Dəstək” missiyasına töhfə verən ölkələrin Müdafiə nazirləri səviyyəsində NATO-nun Mənzil-Qərargahında keçiriləcək iclasda iştirak etmək üçün oktyabrın 24-də Brüsselə yola düşüb.
Müdafiə Nazirliyinin mətbuat xidmətindən AZƏRTAC-a bildiriblər ki, oktyabrın 25-də keçiriləcək iclasda Əfqanıstanda təhlükəsizlik və siyasi vəziyyət, əldə olunan son nailiyyətlər və maraq doğuran digər mövzular ətrafında geniş müzakirələr aparılacaq.
Səfər çərçivəsində Müdafiə nazirinin ikitərəfli görüşləri də nəzərdə tutulub.
Bölmənin digər xəbərləri
