Azərbaycanın Özbəkistandakı səfiri Türkiyəyə dəstəyini ifadə edib
Bakı, 8 fevral, AZƏRTAC
Azərbaycanın Özbəkistandakı səfiri Hüseyn Quliyev qardaş Türkiyənin Kahramanmaraş vilayətində və ətraf bölgələrdə baş vermiş zəlzələ nəticəsində böyük dağıntılara və insan itkisinə səbəb olmuş fəlakətlə əlaqədar Türkiyənin Daşkənddəki səfirliyini ziyarət edib.
Səfirlikdən AZƏRTAC-a verilən məlumata görə, Hüseyn Quliyev Azərbaycan xalqının hər zaman qardaş Türkiyənin yanında olduğunu bildirib. Təbii fəlakət nəticəsində vəfat edənlərin xatirəsinə ehtiram olaraq səfirliyə əklil təqdim edilib, yaralılara şəfa dilənilərək fəlakətin nəticələrinin tezliklə aradan qaldırılacağına əminlik ifadə olunub.
Sonra səfir Hüseyn Quliyev xatirə kitabını imzalayıb.
Bölmənin digər xəbərləri
