AZƏRBAYCANIN “QARADAĞ” HƏNDBOL KLUBU İRANA GEDƏCƏKDİR
AZƏRTAC xəbər verir ki, Azərbaycanın qadınlardan ibarət “Qaradağ” həndbol klubu fevralın 1-dən 8-dək İranın İsfahan şəhərində təlim-məşq toplanışında iştirak edəcəkdir.
Məşqlər çərçivəsində “Qaradağ” həndbolçuları İran yığması, yerli “Fulat Mübarəki” klubu və hələlik adı məlum olmayan daha bir komandanın mübarizə aparacağı turnirdə qüvvələrini sınayacaqlar.
Komandanın baş məşqçisi Sergey Nikulenko demişdir ki, İrana səfərdən əsas məqsəd qarşıdan gələn Avropa klub çemionatlarına hazırlaşmaq, gənc oyunçuların təcrübəsini artırmaqdır.
Komandaya heç bir legioner oyunçunun dəvət olunmayacağını bildirən mütəxəssis, əsasən Azərbaycanın istedadlı gənclərinə üstünlük verəcəyini bildirmişdir. Əslən Bakıdan olan Sergey Nikulenko 11 il ərzində İranda çalışmış, bu ölkənin kişilərdən ibarət yığma komandasının baş məşqçisi olmuşdur.
Bölmənin digər xəbərləri
