AZƏRBAYCANLI DEPUTATIN ÇIXIŞI MARAQLA QARŞILANMIŞDIR
Azərbaycanın AŞPA-dakı nümayəndə heyətinin üzvü Aydın Mirzəzadə çıxışında hazırda millət anlayışının milli sərhədləri aşdığını vurğulamışdır. Digər xalqın tarixi ərazisində yaşayan şəxsin və milli qrupun həmin xalqın mədəniyyətinə və dilinə höqrmətlə yanaşmasının vacibliyini qeyd edən A.Mirzəzadə, təəssüflə bildirmişdir ki, bu məsələdə Azərbaycan xalqının acı təcrübəsi vardır. Təqribən bir əsr yarım əvvəl Türkiyə və İrandan on minlərlə erməni köçürülərək Cənubi Qafqazdakı tarixi Azərbaycan torpaqlarında yerləşdirilmişdir. Bu barədə tarixi həqiqətləri ermənilər də etiraf edirlər.
Azərbaycan xalqının minnətdarlıq əvəzinə ermənilərdən daim pislik gördüyünü diqqətə çatdıran A.Mirzəzadə, Qafqazda öz dövlətlərini yaradan ermənilərin soydaşlarımızı Ermənistandakı əzəli torpaqlarından zor gücünə qovduqlarını bildirmişdir. Etnik təmizləmə siyasəti aparan ermənilər şəhər və kəndlərin, coğrafi ərazilərin tarixi adlarını kütləvi şəkildə dəyişmişlər.
Ermənistan-Azərbaycan, Dağlıq Qarabağ münaqişəsi barədə məlumat verən deputat, işğal edilmiş Azərbaycan ərazilərində etnik təmizləmə siyasəti aparıldığını, 1 milyon azərbaycanlının öz doğma yurdlarından didərgin düşdüyünü diqqətə çatdırmışdır. Azərbaycan xalqı ermənilərin düşmən münasibətlərinə baxmayaraq, digər millətlərə hörmətlə yanaşır.
Azərbaycanlı deputatın çıxışı maraqla qarşılanmışdır.
Bölmənin digər xəbərləri
