Azərbaycanlı mütəxəssislər Qazaxıstanda keçirilən beynəlxalq aviadispetçerlər müsabiqəsində iştirak edirlər
Almatı, 16 oktyabr, AZƏRTAC
Almatıda hava hərəkətinin idarəetməsi dispetçerlərinin peşəkar bacarıqları üzrə beynəlxalq müsabiqə keçirilir.
AZƏRTAC Qazaxıstanın Elm və Ali Təhsil Nazirliyinə istinadla xəbər verir ki, tədbirdə yerli mütəxəssislərlə yanaşı, Azərbaycan, Belarus, Qırğızıstan, Rusiya, Tacikistan və Özbəkistanın aviasiya təşkilatlarının nümayəndələri iştirak edirlər.
Bu, son yeddi ildə belə miqyasda ilk müsabiqədir – bundan əvvəlki tədbir 2018-ci ilin martında Sankt-Peterburqda keçirilib.
Builki tədbir aeronaviqasiya sahəsində mütəxəssisləri və ekspertləri vahid peşəkar məkanda bir araya gətirərək bütün Avrasiya aviasiya sənayesi üçün əlamətdar hadisəyə çevrilib.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
